O debate transcorreu durante hora e media e os representantes tanto de PP como de BNG criticaron a ausencia do mesmo do candidato e actual alcalde socialista, Xosé Sánchez Bugallo. Os veciños prantexaron diversos aspectos de problemáticas diarias entre os que salientaron a falla dun servizo eficaz de transporte público, sobre todo na zona norte, a atención e aplicación de mais investimentos nas zonas rurais, o demora nas obras da ronda de Cornes, a falta de cumprimentos en barrios como o Castiñeiriño, ou a necesidade de que a zona monumental teña un único organismo de decisión. O final do debate, o candidato do PP e o do PSOE tiveron un pequeno enfrontamento verbal canto a depuradora da Silvouta. Para Conde Roa é lamentable que unha importante cantidade de verquidos vaian ó río Tambre sen depurar, para Rama a culpa orixinouse no anterior goberno popular e as promesas incumpridas canto á mellora e ampliación da depuradora.