:: O conselleiro, Manuel Vázquez, anunciou o inicio dos trámites tras reunirse coa asociación de montes comunais da zona ::

Nigrán, 3 de setembro de 2008.- A Consellería de Medio Ambiente e Desenvolvemento Sostible declarará Monte Ferro, no concello pontevedrés de Nigrán,  como Paisaxe Protexida. O conselleiro, Manuel Vázquez, anunciou hoxe o inicio dos trámites para dotar a este espazo natural desta figura de protección, tras reunirse cos representantes da asociación de montes en man común, que lle trasladaron esta proposta.

Manuel Vázquez manifestou “unha gran satisfacción” por esta iniciativa, que implicará que o Monte Ferro pase a contar cunha figura legal de protección. Para o conselleiro, esto demostra que hai “unha sensibilidade medio ambiental na poboación”, xa que segundo recordou “tamén os comuneiros de Costa da Vela pediron á consellería contar cunha protección medio ambiental”, o que significa “que cada vez se quere máis ao patrimonio natural e á paisaxe”.

O conselleiro de Medio Ambiente destacou que o trámite para a declaración de Monte Ferro como paisaxe protexida realizarase “seguindo un itinerario de participación, transparencia e acordos” e anunciou que os técnicos de Conservación da Natureza manterán unha reunión cos comuneiros “para analizar todos os proxectos que se derivan desta declaración”.

Esta actuación en materia de conservación de espazos naturais, súmase a outros proxectos en materia hidráulica e de calidade ambiental que a Consellería de Medio Ambiente executou ou está a executar no municipio de Nigrán, e que hoxe abordaron o conselleiro e o alcalde, Efrén Juanes, nunha reunión que tivo lugar no concello.

Os proxectos nos que está a traballar a consellería supoñen un investimento de máis de 11 millóns de euros, na súa meirande parte para melloras no saneamento e abastecemento do municipio.

Entre os investimentos que está a realizar a consellería atópase a explotación da estación depuradora de augas residuais (EDAR) de Nigrán, cun prazo de 15 anos de concesión, ata o ano 2020, e cun orzamento adxudicado de 5.677.230 euros. Están tamén en execución as melloras na EDAR, cun custo de 587.672 euros, e xa están rematadas as actuacións de emerxencia que se levaron a cabo para diminuír a carga microbiolóxica da depuradora, e que precisaron dun investimento de 861.236 euros.

O conselleiro tamén destacou, en materia hidráulica, a próxima adxudicación do saneamento e abastecemento aos núcleos de Carballas, Palanca, Amieros, rúa Lameira, Vilariño e San Pedro, por un importe de 198.490 euros. Tamén está previsto adxudicar no vindeiro mes de outubro a segunda fase do saneamento a Chandebrito, cun investimento de 660.808 euros, e que se sumará ás obras de saneamento, por importe de 911.633 euros, nesta mesma zona.

No que respecta ás obras de abastecemento, a consellería destinará 941.566 euros á mellora da estación de tratamento de auga potable (ETAP) de Nigrán. O proxecto contempla unha estación para o tratamento de auga de 200 litros por segundo (actualmente é de 70 litros por segundo), e segundo destacou o conselleiro “garantirá o abastecemento dos próximos 20 ou 30 anos, tendo en conta o crecemento de poboación”.

Entre as obras executadas, a consellería destinou 387.500 euros á rede de saneamento de Nogueira, San Román, A Mámoa e Navas-Priegue. A estas obras hai que engadir o investimento de 765.000 euros no selado dun vertedeiro e rexeneración da zona, e que estará adxudicado a finais de ano.

O Concello de Nigrán pide desculpas polas posibles molestias ocasionadas por estas averías e agradece que, en todo caso, aqueles veciños que detecten estas situacións de avería as comuniquen ó Concello para a súa reparación.

A conselleira de Política Territorial, Obras Públicas e Transportes, María José Caride, mantivo  sendas reunións de traballo cos alcaldes de Nigrán, Efrén Juanes, e Gondomar, Antonio Araúxo. No decurso dos encontros, a conselleira informou aos rexedores das vantaxes para a mobilidade e a seguridade viaria dos cidadáns de ambas vilas que terán as infraestruturas contempladas no Plan “Vigo Íntegra”. Este documento de planificación e articulación territorial, que se atopa a información pública dende o 17 de xullo, contempla un investimento total de 2.000 millóns de euros destinados á mellora das infraestruturas de comunicación de Vigo e a súa área de influencia, incluídos Nigrán e Gondomar. María José Caride amosou a disposición da Consellería a estudar as propostas plantexadas por ambos concellos no marco do proceso aberto de información pública e presentación de alegaciones para mellorar na medida do posible o plan.

Nigrán
A Consellería de Política Territorial reiteroulle ao Concello de Nigrán a necesidade existente dun novo vial que conecte Vigo e o polígono de Porto do Molle. Ante as dificultades de implantación territorial de dito vial, será a colaboración entre a CPTOPT e o Concello, enmarcada no traballo de redacción do novo PXOM, a que permita determinar o trazado da nova infraestrutura.

Con respecto á reforma da estrada Vigo-A Ramallosa (PO-325) para dotala de melloras na seguridade viaria e na mobilidade dos peóns, ambas Administracións ratificaron a necesidade e conveniencia de dito proxecto. A CPTOPT comprometeuse a analizar con coidado algunha das súas afeccións, como o enlace coa praia de Patos, mantendo en dita análise o compromiso de que a solución respecte a seguridade viaria. Ademais, a CPTOPT informou ao Concello de Nigrán de que esta obra está actualmente en trámite de contratación.

Gondomar
Con respecto ao Concello de Gondomar, ambas Administracións coincidiron tamén no seu respaldo, á espera de que se remate a redacción do correspondente proxecto, da reforma da estrada A Ramallosa-Gondomar (PO-340), que suporá unha continuación das melloras de seguridade e mobilidade impulsadas na estrada Vigo-A Ramallosa.
A conselleira de Política Territorial tamén informou ao Concello de que no Plan “Vigo Íntegra” se incorporou a previsión dunha circunvalación leste de Gondomar a pesar de ser unha actuación municipal co obxecto de solucionar un problema de mobilidade no concello e colaborar financieiramente na súa execución. O Concello de Gondomar propuxo que sexa o PXOM o que defina esta actuación, polo que a Consellería manterá na Memoria do Plan a necesidade de mellorar a mobilidade, pero deixará a súa determinación ao Concello pasando a ser unha obra estritamente municipal.
Por último, e con respecto á nova vía de alta capacidade proposta entre Gondomar e Tomiño, a CPTOPT mantén a defensa do carácter vertebrador desta actuación como un eixo estruturante da mobilidade do Baixo Miño e o Val Miñor e da súa conexión con Vigo e, en particular, con algúns dos seus principais equipamentos (novo hospital, universidade, parques empresariais, etc.) Ante os problemas do trazado proposto, a Consellería comprometeuse a reformular dito trazado e plantexar unha modificación substancial das estradas autonómicas existentes, de xeito que a través de variantes permitan configurar un itinerario con capacidade e seguridade e eliminen o tráfico de longo percorrido do centro de Gondomar.

O concello de  Nigrán organiza para os vindeiros 29 e 30 de agosto o 2º Encontro de Jazz “NIGRÁNJAZZ” coa colaboración da Dirección Xeral de Turismo da Xunta de Galicia. Consolídase de este xeito unha iniciativa das Concellerías de Promoción Empresarial e Turismo iniciada no ano 2007 que pretende achegar a Nigrán un festival de música de calidade para todos os vecinos e visitantes de Nigrán e a vez por colofón ás actividades levadas a cabo dende o Concello nos meses de xullo de agosto.

Os concertos celebraránse, o igual que o pasado ano, no Escenario instalado no incomparable marco do Esteiro da Foz, no Paseo da Ramallosa, a carón do río Miñor.

A programación para este ano 2008 consolídase coas actuacións de dous grupos de grande calidade, Marcos Pin Trío e Sumrra como base do festival que, dende as 22,00 horas poderemos escoitar no escenario do Esteiro da Foz do Miñor. O festival complétase este ano 2008 coa actuación pola Ramallosa de GDJAZZ STREET BAND un pasarrúas que nos trasladará á Nova Orlreáns de principios do século XX.

O venres 29 de agosto o IEM realiza unha visita guiada a esta estación de arte rupestre. O IEM pon a disposición un autocar que sairá ás 21h45’ da parada de taxis da Ramallosa. Quen queira ir polos seus medios o punto de encontro é a fonte da alameda de Pontecaldelas ás 23h. Para ir no autocar é preciso apuntarse no teléfono  680 644 490  ou ben no correo electrónico dirección@minhor.org . Dado o limite de prazas (55) é conveniente facer a reserva o antes posible.

A estación de arte rupestre de Tourón ( Pontecaldelas) vén de musealizarse recentemente, xustificada esta pola grandísima importancia de máis de dúas ducias de superficies gravadas entre as que destacan A Laxiña das Cruces e O Nabal de Martiño. Na primeira está representada unha escena de cópula cervídea, co macho executado en baixorreleve cunhas cornas extraordinarias. Na mesma laxe hai gravadas esvásticas e espirais. No petróglifo do Nabal de Martiño, o emprazado a máis altura do xacemento, hai representada unha das escasas escenas de caza de Galicia nunha rocha inclinada cunha ampla manda de cervos onde irrompe un cazador que racha coa harmonía animal.

 A exposición permanecerá aberta ao público ata o xoves 11 de setembro e poderá ser visitada entre as 12h. e 14h. e entre as 19h. e 21h.

Ao remate da inauguración a catedrática de Filoloxía da Universidade de Vigo e integrante do Instituto de Estudos Miñoranos, Camiño Noia Campos, pronunciará unha conferencia na que realizará unha achega á obra narrativa de Carlos Casares. Será esta a segunda das conferencias que complementaran a exposición; a anterior tivo lugar o pasado venres, 21 de agosto, e foi pronunciada pola profesora Luísa Blanco que fixo unha achega á última novela de Casares “O sol do verán” e polo xornalista Iago Martínez que analizou a obra xornalística de Carlos Casares.

Estas actividades en torno a figura de Carlos Casares están organizadas pola Fundación Carlos Casares, o Instituto de Estudos Miñoranos e a Concellería de Cultura de Nigrán que dirixe Xosé Lois Gutiérrez, sendo as primeiras que as tres institucións teñen preparado para os próximos meses.

 Ademais de observar, dende o mar, estes singulares enclaves, algúns deles incluídos na Rede Natura 2000 e mesmo no Parque Nacional das Illas Atlánticas, teremos oportunidade de achegarnos á fauna mariña mediante a observación de aves mariñas e tamén cabe a posibilidade de observar cetáceos (nesta zona viven as toniñas, a especie máis ameazada das nosas costas) e tamén poderiamos observar arroaces preto da costa ou mesmo golfiños comúns fóra das rías. Na viaxe acompañaranos un especialista da CEMMA que nos ilustrará sobre a labor de conservación que no propio Nauja se leva a cabo por toda Galiza. Ao tempo informarase sobre a toponimia do mar, os nomes con que os mariñeiros recoñecen os lugares de pesca e identifican as “marcas” para orientarse  para a navegación.

O mércores 27 terá lugar esta actividade que consistirá no embarque dun máximo de 30 persoas no porto de Baiona a partir das 16:30 h da tarde; o regreso será ás 20 h. ao mesmo porto de Baiona. O prezo por persoa é de 20 euros. Dado o limite estricto de prazas é necesario facer reserva ben no 680 644 490 ou ben no enderezo electrónico direccion@minhor.org

A estación rupestre de Outeiro dos Lameiros é unha das máis importantes de Galicia e nos últimos anos se veñen desenvolvendo diversos traballos de musealización, que cristalizaron a comezos deste verán. Entre os múltiples grupos de gravados prehistóricos, que poderían ter máis de 4.000 anos de antigüidade, destacan diversos conxuntos de arte abstracta composto por figuras xeométricas, círculos concéntricos e outras enigmáticas figuras coñecidas como reticulados. Ao lado destes temos a gran xoia da estación, un impresionante panel vertical de 15 m de longo por 5 de alto, no que podemos contemplar a máis importante concentración de representacións esquemáticas de animais (fundamentalmente cabalos) da Península Ibérica, con máis de 90 figuras representadas.

O deputado delegado de Cultura, José Juan Durán fixo entrega de máis de 200 títulos editados polo Servizo de Publicacións da Deputación ós IES Primeiro de Marzo (Baiona); Auga da Laxe (Gondomar); Terra Turonio (Gondomar); A Sangriña (A Guarda); Val Miñor (Nigrán); Escolas Proval (Nigrán); IES Tomiño (Tomiño); San Paio (Tui) e ó IES Francisco Sánchez (Tui)

Esta actuación, englobada dentro da campaña de dotación de fondos bibliográficos ós centros da provincia que desenvolve o organismo provincial, ten por obxecto manter unha relación periódica entre a Deputación e os institutos e achegar ós profesores e alumnos as publicacións editadas pola institución provincial.

Dentro dos títulos doados pola institución provincial, compre destacar “Soutomaior en pinceladas”, de Feliciano Trigo Díaz, “Soutomaior 1700-1936. Aproximación á historia local”, de Luis Obelleiro, “Los caminos de la memoria”, de Valentín G. Carrera, “Castelao entre nós”, de Lino Pazos, “Mitos de fin de siglo”, de varios autores, “Darío Basso. Obra: 1986-1999”, de varios autores, “Fortalezas de la antigua provincia de Tuy”, de Jaime Garrido, “El tren en Galicia. Aproximación a la política del transporte ferroviario en Galicia”, de José Antonio Díaz Fernández, ou “Muíños nas terras de Redondela. Estudio etnolóxico dos muíños de auga”, de Miguel Ángel Abraira.

Outros títulos desta quenda son “A Cañiza”, de varios autores, “Álvaro Cunqueiro. 1911-1981”, de varios autores, “Valle-Inclán en el fin de siglo. Femeninas”, de Xaquín Núñez Sabarís ou “Peixes medievais”, de Xosé María Vila Ribadomar.

A Xunta de Galicia a través da Consellería de Traballo e cofinanciado polo Fondo Social Europeo ven de aprobar a subvención ao Concello de Nigrán de 300.000 € para a contratación de personal para diferentes programas.

Así o goberno de Nigrán verase beneficiado coa contratación de 11 Socorristas Federados para praias que, xunto cos membros de Protección Civil, encargaranse da vixiancia dos arenais de Nigrán durante os meses de verán. Dende o 15 de xuño ao 15 de setembro as praias de Nighrán contarán con este servizo subvencionado ao 100% pola Xunta de Galicia por un importe de 44.711.71€.

Durante os próximos 12 meses o Concello de nigrán disporá duna Brigada de catro personas para Limpeza e Desbroce, adxunta a Concellería de Parques e Xardíns, tamén financiada pola Consellería de Traballo e o FSE cunha cantidade de 55.621,92€.

Un/unha traballador/a de Técnico/a de Xuventude Ciclo Superior ocuparase de levar a cabo “accións docentes e didácticas na Concellería de Xuventude” durante os próximos nove meses. 

Tamén nos próximos nove meses a Concellería de Cultura e Deportes disporá de dúas personas gracias a contratación, a través dos programas de Cooperación da Consellería de Traballo, dun/ha animador/a sociocultural e un/ha animador/a para actividades físicas, técnico/a de deportes.

Un Ciclo Superior en Turismo levará a cabo o seu traballo en Nigrán nos próximos seis para realizar a obra ou servizo de “Animador/a Turístico” adxunto/a a Concellería de Turismo.

Durante os próximos 12 meses dous ordenanzas serán contratados tamén a través de este programa para traballar no Pavillón de Deportes e no Centro de Información a Muller (CIM).

Catro Peóns, adscritos a Concellería de Obras, serán tamén contratados durante 9 meses  subvención e completarán a cuadrilla de Obras que tan boa labor está a facer no ámbito municipal.

Por último, un/ha auxiliar administrativo completará estas 25 contratacións que levará a cabo o Concello de Nigrán no mes de xuño co fin de ofrecer un mellor servizo aos cidadáns e coa complicidade e colaboración da Xunta de Galicia.

É unha responsabilidade dos gobernos municipais e así o plantexamos en Nigrán dende a chegada a Alcaldía e dende a Concellería de Emprego que dirixe a Socialista Purificación Leal Docampo, a necesidade de que a administración local  participe en aquelas accións que conleven a formación e sobre todo ao emprego dos nosos vecinos. Co apoio da Consellería de Traballo pon en marcha un gran proxecto de emprego co que se contratarán a 25 personas desempregadas para levar a cabo diferentes obras no Concello de Nigrán. As administracións Locais non poden permanecer ao marxen nun momento no que as perspectivas de emprego están máis estancadas a nivel mundial.

A subvención recibida dende a Consellería de Traballo que cubre o 100% dos gastos de contratación é de 300.000 €, demostrase unha vez máis o compromiso das diferentes administracións co goberno de Nigrán e a capacidade de xestión por parte dun goberno que está a traballar co único obxectivo de velar polos  interes dos vecinos e veciñas de Nigrán con responsabilidade e sin demagoxias.

Os traballos a realizar pasan pola excavación dos residuos existentes no vertedoiro actual, sito en terros propiedade do Consorcio Zona Franca de Vigo, no Parque Empresarial de Porto do Molle,  e o seu traslado a unha parcela de recepción, onde se procederá ao seu selado e ao control de lixiviados e gases. Con estas obras preténdese eliminar os riscos e efectos ambientais negativos producidos como consecuencia da actividade do vertedoiro.

A clausura do vertedoiro é unha actuación incluída no Programa de Rexeneración de Espazos Degradados do Plan xeral de Residuos Sólidos Urbanos de Galicia, na que se establece a colaboración da Consellería de Medio Ambiente para desenvolver os mecanismos axeitados para acadar unha xestión sostible dos residuos urbanos nos concellos de Galicia.

O prazo de execución da obra é de catro meses.

A Concelleria de Cultura e Deportes do Concello de Nigrán quere informar os medios de comunicación que se ven de celebrar no salón de plenos do concello  a presentación do II Campus de Verán Carlos Pérez. A presentación estivo arroupada  coa presencia ademais do Concelleiro de  Cultura e Deportes Xose Lois Gutiérrez polos ex-xogadores do Celta Couñago e Curiel.

O campus vaise celebrar novamente nas instalacións do campo de fútbol de Vilariño en Nigrán do dia 14 o 20 de xullo con horario de 10:00 h. a 18:00 h. de luns a venres e de 10:00 h. a 14:00h. sábado e domingo e é obiamente unha iniciativa apoiada pola Concellaría de Cultura e Deportes.

Este campus está orientado a nenos e nenas de 5 a 13 anos, nel podrán desenrolar e ampliar técnicas deportivas de fútbol, xogos que estimulen a creatividade autoestima e traballo en equipo, talleres de diferentes tipos, hinchables para quepoidan saltar, divertirse e realizar xogos, todo elo sempre orientados e dirixidospor técnicos e monitoresespecializados en cada disciplina. Tamén se realizará unha excursión a Balaidos e o museo do Celta, a comida servirase cun catering cualificado enalimentacdión infantil.

Ademais habera moitos  agasallos para a rapazada e a diversión combinada co deporte e a creatividade está garantida.

O 30 de maio,as 13 horas, inaugurouse en Nigrán, na r/ estrada pola vía 90 baixo, ó primeiro Centro de Día para persoas maiores do municipio: “Botando unha man”.

O acto inaugural contou coa presencia da Secretaria Xeral de Benestar da Xunta de Galicia, María Xexús Lago Vilaboa, e diversas autoridades locais.

“Botando unha man” é unha empresa de axuda no fogar que continúa a súa andadura coa  apertura deste centro de día. “Somos unha entidade  prestadora de servizos sociais á Xunta de Galicia e prestadora do programa do cheque asistencial”, apuntan.

Os seus obxectivos  son  mellorar a vida dos  nosos  maiores sen afastalos do seu  entorno socio-familiar e ofrecerlles  unha alternativa a   institucionalización e  apoio aos  familiares.

Tanto os encargados da empresa como os traballadores da mesma inician esta nova fase con moita  ilusión o que, aseguran, repercutirá na boa realización do seu traballo.

Coa inauguración da rúa e a posterior conferencía a Concellería de Cultura e Deportes da por finalizadas a Semana das Letras Galegas que por unha cuestión de saúde moi grave dun dos conferenciantes, Xose María, do que felizmente xa está recuperado,   tivo que posporse duas semanas dando por cumplido cunha gran participación e asistencia de personas os actos.

Como remate do obradoiro sobre a muller na cultura árabe organizado pola Concellería de Benestar e Igualdade do Concello de Nigrán, que se está desenvolvendo durante todo o mes de maio en Nigrán a través da realización de talleres de cociña e danza árabes, o próximo venres 30, de 17.00h a 19.30h, no Centro Antena Municipal (Rúa Otero Pedraio, 52. Panxón), celebrarase un acto que contará coa presenza do Delegado en Galicia do Frente Polisario, en representación do pobo saharaui, no  que se levará a cabo a proxección dun documental con posterior charla debate, co que pretendemos continuar afondando no coñecemento desta cultura e en particular, da realidade das mulleres nos campos de refuxiados do Sáhara e nos países árabes do entorno. O acto está aberto á participación de toda persoa interesada e durante o mesmo, as persoas asistentes poderán degustar pratos típicos árabes, así como participar na cerimonia do té, tan típica desta cultura, o tempo que poderán visitar unha exposición fotográfica instalada para o efecto.

A Concellaría de Cultura e Deportes dirixida polo nacionalista Xosé Lois Gutiérrez Soto quere anunciar a  próxima sinatura dun convenio entre o Concello de Nigrán e a Consellería de Cultura e Deportes  cun importe de 25000 euros .

Este convenio é o resultado das xestións realizadas semanas atrás entre o Concelleiro de Cultura Xose Lois Gutiérrez e o Director Xeral de Patrimonio Felipe Arias, departamento integrado na Consellería de Cultura e Deporte.

O obxectivo deste convenio ten como finalidade  a conservación e posta en valor do patrimonio cultural realizando unha sinalización adecuada dos elementos arqueolóxicos e os monumentos mais significativos colocando o pe de cada ún un panel cunha breve explicación do seu cometido, orixe , autoría.....Editarase tamén un tríptico e unha guía  explicativa cunha breve descripción do mesmo, e un plano da súa ubicación.

A Concellaría de Cultura e Deportes pretende con esta iniciativa reforzar e potenciar os intereses colectivos en materia cultural conservando, protexendo e difundindo os mesmos. Nesta liña de actuacións porase en valor o noso rico patrimonio arqueolóxico e monumental no que se atopan varios petroglifos, poboados da Idade de Bronce coma o castro de Navas en Priegue , unha factoría do século IV dedicada a creación de materiais de construcción e comercialización por vía marítima da época romana, resaltar a importancia da vila mariñeira de Panxón a traverso do seu arco xermánico (quizás suevo ?) a monumental ponte románica da Ramallosa xa no medivo, a casa de Suero Yañez na parroquia de Parada ou monumentos de recente creacion e inmenso valor arquitectónico como a igrexa de Panxón da autoría de Antonio Palacios entre outros.

Dito proxecto ten unha duración de 12 meses, dará comenzo o 30 de xuño de 2008 e foi realizado polos técnicos/as dos departamentos de emprego e urbanismo así como pola Unidade de Promoción e Desenrolo (UPD) da Mancomunidade de Municipios de Vigo. os/as traballadores/as contratados/as levarán a cabo as seguintes obras:

Rehabilitación da antiga Escola de Nenas, Camiño do Labrego s/n (Cean-Nigrán), para adicala a Centro Vecinal e Social da parroquia de Nigrán, lembremos que Nigrán é a única parroquia do municipio que non dispón dun local onde reunirse a veciñanza. Trátase dunha parcela de 238 m2 da que está ocupada coa edificación 115,30 m2. Reconstruirase a edificación de xeito integral e constará dunha saa principal multiusos, unha oficiña e dous baños.

Rehabilitación da vivenda unifamiliar “Casa do Conserxe no CEIP Humberto Juanes (Nigrán)”. A edificación está destinada a vivenda e divídese en recibidor, salón, distribuidor, cocina, baño e tres dormitorios. Dispón ademáis dun patio aberto ao que accédese dende o recibidor. A superficie total é 137,31 m2. O destiño da obra é a de vivenda do conserxe/a do CEIP Humberto Juanes.

Reforma das instalacións do “Centro Cultural de Cotros” (San Pedro da Ramallosa) situado na rúa Mestre don Xosé 27 ocupando parte dunha edificación aillada de planta baixa e alta. Instalarase fontanería e electricidade por completo así como calefacción; redistribuirase o espazo interno e a cociña destinarase a arquivo. O espazo a rehabilitar é de  96.74 m2 e completará un Centro Cultural no que xa se atopa a Escola de Cerámica Municipal.  

É unha responsabilidade dos gobernos municipais e así o plantexamos en Nigrán dende a chegada a Alcaldía a necesidade de que a administración local  participe en aquelas accións que conleven a formación e sobre todo ao emprego dos nosos vecinos, un goberno socialista foi o que fai xa 7 anos puso en marcha o primeiro proxecto de formación/emprego como foi o “Obradoiro de Emprego Nigrán I” e é de novo un goberno socialista o que co apoio da Consellería de Traballo pon en marcha un gran proxecto que contribuirá a formación e o emprego (os traballadores/as estarán contratados dende o primeiro día por parte do concello e por elo recibirán o 150 % do salario mínimo interprofesional) nun momento no que as perspectivas de emprego están máis estancadas a nivel mundial. O goberno de Nigrán non pode estar nin está ao marxe de esta “coyuntura”

Por outra banda cubrirá un obxectivo primordial tanto dende a Concellería de Urbanismo como da de Emprego como é a recuperación do Patrimonio Municipal e a súa utilización con fins municipais, sociais, culturais ou  veciñais. É completamente necesario `por en valor o noso patrimonio e esta é unha aposta clara e contundente e un primeiro paso de cara ao obxectivo de que nos catro anos de mandato Nigrán poida sentirse orgulloso do seu.

Polo tanto o Concello de Nigrán e as convcellerías de Urbanismo e Emprego a través do “Obradoiro de Emprego Nigrán II” porán en valor e reconstruirá un edificio que ata 1936 foi a Escola de Nenas de Nigrán (lembrar que en esos anos diferenciábanse as escolas masculinas e femeninas) e que se atopa en total abandono, condenado a súa desaparición; habilitarase unha vivenda para o conserxe dun colexio público de Nigrán e rematarase un conxunto, antigas escolas e vivendas dos mestres, en Cotros que xunto coa Escola de Cerámica convertirase nun centro cultural e dinamizador do barrio de Cotros en San Pedro da Ramallosa.  

A subvención recibida dende a Consellería de Traballo para o proxecto é de 732.576,96 € e o concello de Nigrán aportará 42.448,37 €, demostrase unha vez máis o compromiso das diferentes administracións co goberno de Nigrán e a capacidade de xestión por parte dun goberno que está a traballar co único obxectivo de velar polos  interes dos vecinos e veciñas de Nigrán con responsabilidade e sin demagoxias.

El pasado sábado hicimos una sesión de fotos en Nigrán con David Portela. El escenario era la casa de su abuela, todo muy rural-vintage. Aparentábamos estar de after en casa de nuestra abuela...o algo así.  Lo pasé en grande, salvo por el pequeño incidente con las avispas....Lo más probable es que las fotos salgan publicadas en alguno de los números de verano de la revista Vice (yay!), Ahora sólo falta ver la postproducción.

A Concellaria de Cultura, organiza a  Semana das Letras Galegas cun calendario cheo de actividades que comezará hoxe mesmo, 12 de maio, coa conferencia de Francisco Alonso sobre "O mapa do libro
galego", literatura,  lingua, o libro galego hoxe e Xosé María Álvarez Blázquez editor. rematando co recitado de poemas de Álvarez Blázquez,  como homenaxe, e establecer un coloquio co público.

A continuacion fallarase o concurso de Investigacion Escolar sobre Xose Mª Alvarez Blazquez coa entrega de premios aos escolares, houbo amplaparticipación de escolares do Val Miñor  con numerosos traballos en soporte dixital, e a continuacion inaugurarase a exposicion de paneis sobre a vida de Xose Maria Alvarez Blazquez, a sua vida por decadas dende o nacemento ata o seu pasamento, as portadas dos libros da coleccion do Moucho e a fabrica da telleira.

O dia 13 Xose Lois Vilar presentara a Eduardo Mendez na conferencia sobre Alvarez Blazque e a arqueoloxia e se dera tempo presentariase o 1º tomo da obra sobre a arqueoloxia realizada polo homenaxeado.
O dia 14 o cantautor Tino Baz presentara un audio visual, dara un concerto e presentara o seu disco cinsa namorada.

O dia 15 inaugurarase a rua Escritor Xose Mª Alvarez Blazquez no sau-4 co compas do himno Galego e a continuacion e o gaiteiro Benxamin Cabaleiro  coa marcha do Antergo Reino iremonos para o Camping Praia América onde Xose Maria e Alfonso daran nunha visión  sobre o traballo realizado en pro
da cultura do seu Pai e cerraranse os actos da semana cultural.

Todos os actos realizaranse as 20:00 horas

A corporación tamén aprobou as contas do exercicio pasado, esta vez cos votos da oposición e o rexeitamento do grupo de goberno que aludiu que non votaría favorablemente unhas contas que rematarno cun resultado negativo de máis de millón e medio de uros.

O pasado día 10 de febreiro, celebrouse en Chandebrito – Nigrán, o Campionato de Campo a Través para as categorías de Benxamín, Alevín, Infantil e Cadete masculino e feminino, organizado pola Dirección Xeral para o Deporte ( Delegación de Pontevedra ) e coa colaboración da Concellaría de Deportes do Concello de Nigrán.

Cunha nutrida participación de atletas, próximo aos 900 participantes, tomaron a saída ás 10:30 horas, un numeroso público entregado a animar durante toda a competición, chegando ás 3.000 persoas.

A entrega de trofeos correo a cargo da Delegada Provincial de Deportes, Dona María Xesús López Escudeiro, o Concelleiro de Deportes, Xosé Lois Gutiérrez Soto, o Vicepresidente da Federación Galega de Atletismo, Eleuterio García e o Coordinador de Deporte Escolar da Dirección Xeral, Cistobal Moreira

Remataron as obras de pavimentación do Camiño de Paxoleiras na parroquia de Parada iniciadas a comenzo deste mes de febreiro. Unhas Obras de Pavimentación que foron xestionadas polo Tenente de Alcalde, David Giráldez, ante a Consellería de Medio Rural.

As obras de pavimentación deste vial de case 400 de lonxitude e un ancho variable, que une a rúa Santiago coa rúa Casasnovas, na parroquia de Parada, foron adxudicadas a empresa SERCOYSA por un importe de 15.885,32 Euros están financiadas integramente pola Consellería de Medio Rural.

Coa realización destas obras cúmprese cunha aspiración dos veciños da zona, que contando con rede de saneamento, viñan demandando desde hai bastante tempo o asfaltado do vial.